「到底發生過甚麼事！」 網民：「貓咪集體中毒？」

日前，一張貓咪集體伸脷倒地嘅相 PO 咗出愛貓群組，令一眾網民都大嚇一驚，仲以為係貓咪集體中毒，或者發生咗「命案」。  

帖文好彩有解釋返畀大家聽到底發生咗咩事，「感謝安提波洛市獸醫診所嘅邀請，177 隻寵物被閹割了」。

原來，菲律賓曼達盧永（Mandaluyong）寵物絕育中心基金會（PPBCC）同一間動物醫院合作，幫 177 隻寵物貓咪進行結紮手術，相片所展示嘅係寵物貓咪們進行完結紮手術，瞓晒喺地下等麻醉藥散晒，先可以同主人返屋企。

相片及後被網民們喺社交媒體上瘋傳，帖文仲好搞笑咁寫上「不能同年同日生，但能同年同日閹」，唔少網友都紛紛開玩笑留言，「曾經大家都是兄弟，以後就是姐妹了」、「最近皇宮裡很缺公公嗎」。

資料來源：fb @ppbccfoundation