山上浪浪及被棄養狗狗 盼中秋節前尋家

中秋節將至，人月兩圓團，同時社區入面仲有好多小動物都希望喺溫嘅家度過中秋！今個星期日 ( 9 月 24 日) ，動保機構 AREbyNPV  將聯同 Q-PETS 舉行「狗狗領養日」。屆時將會有一班得意又親人嘅狗狗同大家一齊迎接中秋節！佢哋雖然背後各懷唔同嘅悲慘身世同故事，但係佢哋個個都性格溫純，非常適合新手家庭㗎！

 將出席領養日狗狗嘅背景資料 －

「花菇」︰被人退過兩次領養，但其實無行為問題，親人親狗、嗲人、活潑。

「點點」︰山上浪浪。樣子可愛，好鐘意笑，好聰明，動靜皆宜，但少少怕羞。

「小白」︰山上浪浪，拉布拉多 x 唐唐，超級靚仔。被義工姨姨在山上救起，帶去絕育。年輕健康，姨姨唔忍心再將佢放返山上受苦。好乖仔，對人對狗友善，唔會破壞，散步唔搶繩，鐘意外出大小便。

「豆豆豬」 ︰山上浪浪。被義工姨姨救起後，而家喺暫托家庭，學習緊入屋禮儀。性格温純，好為食，好鍾意笑，唔會破壞，唔會搶繩，唔會亂吠。

「Ruby」︰山上浪浪。被義工救起後，而家喺暫托狗場，學習緊入屋禮儀，可以乖乖陪你一齊散步，鍾意外出大小便。

「Deep」︰山上浪浪，拉布拉多 x 唐唐，超級有型靚仔。經暫托哥哥悉心照顧下，肥肥白白，性格穩定。

AREbyNPV  x Q-PETS 狗狗領養日 

日期：2023 年 9 月 24 日 (星期日）

時間：13:00 – 18:00

地點：荔枝角長義街 15 號 D2 Place 二期 3 樓 Q-PETS (荔枝角地鐵站 D1 岀口，步行約 2 分鐘路程)

備註：無需登記，免費入場

領養須知：

1) 領養者必須年滿 21 歲或以上，若未滿 21 歲者，需由同住的父母或監護人代為申請。

2) 不接受放養、店舖飼養。

3) 暫托義工會進行家訪。

更多領養申請詳情，請於當天向在場義工了解。