【中秋節溫馨提示】貪得意幫毛孩戴柚皮帽 隨時引致皮膚炎
一年一度嘅中秋佳節到喇！除咗賞月食月餅之外，唔少主人食完西柚後，都會貪得意幫毛孩造一頂柚皮帽應節。
城城小編喺度提提大家，其實貓狗（尤其貓貓）係唔太喜歡刺鼻嘅氣味㗎！聞到濃烈刺鼻嘅氣味，容易令佢哋產生負面情緒！
此外，柚皮含有一種光敏性物質「補骨脂素」，接觸嘅皮膚可能會產生光敏感性皮膚炎。如果不慎食咗柚皮落肚，更分分鐘會令貓狗出現上吐下瀉嘅症狀㗎！雖然中毒都有所謂嘅中毒劑量，需要進食一定份量或與皮膚接觸一定時間先會出現症狀，但請大家都唔好刻意嘗試啦！
相片來源： 網上圖片
