【長沙灣偷龜案】警方靠天眼緝兇 物「龜」原主

日前，長沙灣欽州街一店舖東主報案，表示店舖一隻龜喺星期日 (19日) 下午唔見咗，懷疑被人偷走，因此報案。店舖東主亦喺社交平台出 PO，表示被偷走嘅係一隻雌性東箱龜，佢將愛龜放喺門外曬太陽，期間被賊人成盤偷走。

警方翻查閉路電視，經深入調查後，噚日 (22 日) 喺欽州街成功拘捕一名涉嫌「盜龜」 嘅 49 歲姓張本地男子。警方喺男子住所尋回涉案龜隻，龜隻已經交還物主。報導指，被捕男子報稱商人，表示因誤以為龜隻被棄養，擔心其安全所以帶龜返住所。

根據香港法例 210 章《盜竊罪條例》第 9 條，盜竊罪一經定罪，最高可被判處監禁 10 年。

資料來源：愛動物群組