太安樓生果店結業 街坊擔心店貓去向為其尋家 幸獲善心人收養

如果你係西灣河街坊，又經常路過太安樓嘅話，應該都唔難發現一隻生果店養嘅店貓。佢叫「小咪」，8 歲。「小咪」因為曾經被狗咬過，所以對狗有恐懼，見到狗會咬狗，所以店主就迫於無奈將佢關喺籠入面。

日前，一名愛貓街坊路過生果店，從店員口中得知生果店當日最後一日營業。店員告知「小咪」會俾下一手接手，而都要睇下一手要不要佢...該街坊非常擔心「小咪」未來嘅去向，情急之下佢嘗試幫 「小咪」出 PO 尋家：「『小咪』已經好可憐，經常要關喺籠入面。雖然佢睇起嚟頗健康，但請為『小咪』祈禱，希望佢有個好歸宿。有冇常出入太安樓嘅愛貓人士幫忙領養嗎『小咪』？我自己已有兩隻不便再加貓...」

幸運地，另一街坊睇到 PO 得知「小咪」嘅事之後已接走「小咪」。佢亦非常有心，留言 update大家：「我已接走『小咪』，安頓好一切後會再同大家報告下『小咪』嘅近況。接走『小咪』時，我同檔主了解過，下一手開舖嘅都係佢哋嘅親戚，本身都有打算俾小咪繼續做舖貓，亦有考慮帶佢返屋企，但衡量過環境太細，同埋『小咪』會打其中一個屋企人，所以都係唔可以帶佢返去。想澄清一下，檔主都有唔捨得到喊，仲話日後想買食物拎比『小咪』，相信佢哋真係錫『小咪』嘅，同埋日間冇乜人同狗嘅時候，其實佢哋係有放『小咪』出嚟行嘅！」

在此，感謝兩位愛貓嘅西灣河街坊，亦祝願「小咪」生活愉快！

資料來源：fb @Talking Table