將軍澳環保大道的寵物公園，雖然位置較為隔涉，較近的屋苑只有清水灣半島，但從將軍澳市中心步行過去，也只是約十分鐘路程，且途經將軍澳海濱公園，可順道與寵物飽覽河畔景色。

公園地方頗大，劃分為大、小狗隻園區，細狗嘅主人都唔駛驚寶貝會被其他大狗嚇親。

園內設備相當齊全，可說是五星級嘅狗公園。除了有寵物活動區、寵物廁所等常見設施，更設有寵物沖洗間，可以同狗狗沖吓身，又有俾狗狗專用嘅飲水機，仲有草地可讓狗狗跑餐飽。

公園除了極受區內外寵物歡迎，亦因為有停車場，唔少其他地區嘅狗主都會來放狗，城城之前就係喺周末去到，便發覺非常熱閙，非常適合帶狗狗來認識其他狗仔朋友。

公園每天上午七時至下午九時開放。

位置：4.5
空間：5
設施：5
MOCITY總評分：5