動物都可以幫手破案？

動物可以成為人類最忠心嘅伴侶，同我地共渡生活、分享喜與憂。但你有冇諗過，動物都可以係警案查案期間出一分力？

日本富士電視台近日推出日劇《警視廳生物系》，將查案同動物作戲劇主題，從動物嘅角度重組案情。

渡部篤郎所演的須藤友三，本來是搜查組的精英刑警，人稱「鬼之須藤」。然而佢因一次意外而被投閒置散，被調職到保護疑犯及失蹤者寵物嘅「警視廳生物系」，同自小已對動物有異常興趣嘅薄圭子（橋本環奈飾）共同查案，期間仲要同唔同種類嘅動物打交道。

人稱「動物狂女子」嘅圭子係個不折不扣嘅貓奴，憑豐富嘅動物知識及敏銳嘅觀察力偵查案件，例如研究現場留下羽毛的大小及數量、飼養寵物嘅設施等細節，令動物成為推理同破案嘅關鍵，表面係推理劇，但同時帶出左人同動物嘅溫馨故事。

劇中除左有題材新鮮又情節緊湊嘅故事，更有貓、狗、蛇、雀仔等動物配角成日搶鏡賣萌，身為動物迷嘅你千祈唔好錯過啦！