你同咩狗狗最夾？十二星座與狗狗配對大公開（下）

​上一次就同大家一齊睇咗六個星座同咩狗狗最夾。見唔到自己星座嘅朋友唔使心急，即刻一齊睇下其餘六個星座，最啱養邊種狗狗！

7. 天秤座（21/9 – 20/10）  

貴婦狗

天秤座嘅朋友冷靜、聰明，貴婦狗係犬類中智商排名第二嘅狗狗，而且性格活潑好動、機警，同天秤座嘅朋友一樣咁Charming。不過要注意貴婦狗非常怕寂寞，極度需要人細心陪伴㗎！

8. 天蠍座（21/10 – 20/11）  

德國牧羊犬

同天蠍座嘅朋友一樣，德國牧羊犬充滿好奇心、自信，而且可以係頑強leader。 佢哋係最有勇氣同最忠誠嘅狗狗之一，雖然天蠍座嘅朋友有時可能有少少神經質又容易多疑，但德國牧羊犬可以帶到好大安全感俾你㗎！

9. 射手座（21/11 - 20/12）

 金毛尋回犬

金毛尋回犬精力充沛、討人喜歡，有出奇嘅耐心，係逗人高興嘅家庭陪伴犬，經常被培訓為導盲犬或狗醫生。相信同個性樂觀、外向、大方而無拘無束嘅射手座朋友可以相輔相成。

10. 山羊座（21/12 – 20/1）  

鬆獅犬

山羊座嘅朋友可靠而且富有耐性，鬆獅犬喺個性上有時可能固執，同過於獨立的評價，所以可能難以被訓練。但係只要好好管教佢哋，忠心且性格溫順嘅鬆獅犬，可以係山羊座朋友嘅最佳伴侶。

11. 水瓶座（21/1– 20/2）

 法國鬥牛犬

水瓶座嘅朋友多數善於交際，成日俾人古靈精怪感覺，體型細小嘅法國鬥牛犬同樣係聰明，而且喜歡引人注意。法國鬥牛犬對新鮮事物充滿好奇心，而且活潑、勇敢，相當適合富冒險精神嘅水瓶座朋友。

12. 雙魚座（21/2 – 20/3）

 騎士查理王獵犬

雙魚座嘅朋友經常花時間關心別人想法同需要，騎士查理王獵犬性格溫順而且活力十足，係性情穩定嘅狗狗伴侶。不過要注意，大多數的騎士查理王獵犬都非常渴望得到主人嘅關注，最適合富有同情心嘅雙魚座朋友。

相關連結：
你同咩狗狗最夾？十二星座與狗狗配對大公開（上）https://goo.gl/Vqa2Ca