【搶先睇】忌廉哥新舖星期六開幕啦！

自從忌廉哥在尖東嘅報檔結業後，好多粉絲都等緊幾時再有另一個，可以見到呢位星級店長嘅大本營，不過大家唔駛再等喇！

忌廉哥新鋪將會係10月21日中午12:00正式開幕，而今日城城已經率先去左現場啦！

新鋪設兩大幅靚靚3D壁畫，客人可以影靚相、打卡，就算忌廉哥「貴貓事忙」，大家都可以隨時同忌廉哥合照！

店內有忌廉哥嘅專屬活動空間，除左貓窩，仲有特別貓天橋，等忌廉哥可以係半空行Catwalk！

店內主要售賣各種忌廉哥及貓貓主題精品、寵物食品及用品，啱哂各位忌廉fans同寵物愛好者！

今個星期六，大家都一齊去支持忌廉哥啦！

忌廉哥新鋪資料：

地址：九龍彌敦道477號康樂大樓一樓（近油麻地港鐵站C出口）

營業時間：早上11:00至晚上10:00，逢星期一休息（新張期間不會休息）