【十八區狗公園】東涌北公園

東涌北公園位於文東路，除採用了非常特別的環型設計，有約2200平方米空間，園內更是樹影婆娑，係非常唔錯嘅放狗地點。

不過早前有消息話有人去放狗，狗狗感染到鈎端螺旋菌而死亡，所以穩陣起見，如果想去放狗，要自己帶水去，唔好俾狗狗飲污糟水，或者係過一排睇定啲再去。

東涌北公園佔地 2,200平方米，公園採用環形設計， 以一條通道連接各項設施，更有一大片空地，可以讓狗仔任意奔跑。

公園內設有狗廁所、飲水器及長椅等設施，照顧狗狗同主人不同需要。

東涌北公園本身佔地3.8 公頃，除寵物公園外分兒童遊樂處、太極園等，適合一家大細遊樂。

可惜交通略為不便，附近無大型公眾停車場，所以除了附近映灣園的居民外，其他狗主想去可能要想想辦法。

公園每日上午7時至晚上11時開放。

位置： 3/5
空間： 4.5/5
設施： 3.5/5
MOCITY總評分：3.5/5