颱風來襲！浪浪怎麼辦？ 人人3個方法盡幫！

【#颱風摩羯】打風唔洗返工好開心？留喺屋企聽風雨聲係好療癒好平靜，但我哋要知道，對於在外流浪嘅貓狗嚟講，係好難捱㗎😢⋯⋯

呢幾日就有網友喺threads分享故事，「好多年前去開一個公園籃球場打波，有一家大細嘅貓，間中都會喺側邊啲草叢走出黎玩。而我地隊每逢休息，都會喺長櫈摸下貓。但自從有次十號風球之後，再去返球場，只淨返啲溶溶爛爛嘅樹木同草叢，冇再見過啲貓了。自此之後，就好唔想啲風打得成。」

相信愛貓狗嘅你，總會喺街上有一兩隻令你心掛掛嘅毛孩！咁我哋可以點做呢？

1️⃣不要驅趕！

如果有浪浪以你屋企作暫時棲身處，避免驅趕在露台或花園入面、門前嘅浪浪，俾佢哋安心瞓一覺過一晚，就係對佢哋極大嘅幫助了！通常風雨過後佢哋就會自行離開。若家中許可，也能將浪浪請進屋內，或提供乾淨食物同水。

2️⃣看到受傷浪浪盡快求助🏥

如果你喺街見到受傷嘅毛孩，千祈唔好貿然上前！佢哋可能因為驚恐而變得好具攻擊性。最安全嘅做法係即刻打電話畀動物組織或同區義工報料，等專業人士去處理。佢哋會幫手睇吓隻毛孩有冇晶片，仲會即刻幫佢保暖，以免失溫。之後仲會送佢去睇醫生，再安排後續嘅照顧。

3️⃣製作簡易避雨小屋📦

整個簡易避雨小屋畀啲流浪動物啦！其實好簡單㗎咋！你可以用紙皮箱，加埋裝滿水嘅水樽做重量，再包層膠袋就得㗎喇！想再進階啲嘅，可以直接用個膠箱仔，再放啲乾淨嘅水同埋食物落去。咁樣就整到個好實用嘅避雨小屋喇！🏠 

記得將呢啲避雨小屋放喺啲流浪動物經常出沒嘅地方，等佢哋落雨時都有個遮風擋雨嘅安樂窩啦！香港人，我哋一齊為啲流浪動物出一分力啦！💪

#香港流浪動物 #愛護動物 #避雨小屋 #DIY #香港人情 #善待動物 #流浪貓狗 #寵物救援 #香港社區