柴犬不知主人已逝 每日堅持等放工 主人女兒心酸：爸爸不會回來了
【#現代版忠犬八公】日本有個家庭養咗一隻柴犬，柴犬亦都步入老齡階段。呢隻柴犬有一個習慣，就係每日5點幾都會開始出嚟活動，並且坐喺門口等待5點半收工返屋企嘅主人。不幸嘅係主人後來離世，但柴犬唔知道，仍然每日5點幾聽到主人個女撳飯煲煮飯掣嘅時候，就會行出嚟坐喺門口繼續等永遠唔會再返屋企嘅主人
主人個女見到都覺得好心酸，只能夠同愛犬講「對唔住，但係爸爸唔會再返嚟喇」，柴犬堅持守候嘅背影感動無數網民，並且話佢係現代版忠犬八公。
記得有人講過，寵物離世嘅時候主人往往痛不欲生，但係其實主人應該慶幸寵物比我哋先行一步，因為人雖然會悲痛，但尚且明白生死嘅意義，但係對於寵物嚟講，佢哋未必會明白生死，只會諗極都唔明點解主人突然之間唔再出現，然後一直等落去，直到同主人喺天國重逢
其他資訊
