天氣轉涼 開車前拍拍車身隨時救小動物一命
【#拍一拍救一命】最近晨間同晚間天氣開始轉涼，駕駛人士開車之前，不防拍一拍車身，因為唔少無家可歸嘅小動物都有機會匿埋喺車底擋風，甚至爬入去引擎取暖。而外國一位網民更因一個舉動救回數隻貓貓的生命。
兩位女士本來準備開車，但見到有一隻貓從佢哋嘅車上跳走，一位女士已經上了車，但另一位女士可能因為察覺到跳走嘅貓貓而心中存疑，為咗保險起見打開引擎蓋檢查，赫見入面真係有幾隻貓，令到她大叫「貓貓全部喺晒度！」
好彩呢位女士順手做咗呢個動作，如果唔係貓貓好有可能在行車途中跌落馬路上被輾死，又或者直接畀機件運作嘅熱力熱死。下次如果開車之前發現架車附近有動物徘徊，不防打開引擎蓋檢查，簡單舉動可能可以救返幾條寶貴生命
所以司機們切記開車之前拍一拍車身，可以提醒小動物係時候要離開；如果拍打車身之後聽到有動物叫聲，千祈唔好唔理佢就咁開走，而係應該要仔細檢查動物可能躲藏嘅位置，包括引擎、車軸、變速箱等等，如果發現小動物蹤影但係自己捉唔到，可以致電愛協24小時電話2711-1000求助。
你嘅小小舉動隨時可能會救返一條小生命，記得開車之前拍一拍車身喇！
其他資訊
