翁靜晶表示願收留澳門馬會100隻貓 惟仍未收到回覆 發文譴責

澳門賽馬會將於 3 月底正式結業，但原來入面仲有超過 100 隻原住民浪喵，澳門賽馬會（下稱「澳賽」）打算將佢哋全部運返大陸珠海，但到目前為止，完全冇對外公佈將去貓場的詳情，甚至協助佢哋辦理出境手續嘅市政署都冇收到詳細地址，事件引起網民及愛貓人士高度關注。據悉第一批貓貓今日會被運走，當中有細貓，病貓，未絕育既貓。

「澳門愛護動物協會」 (ANIMA) 指，日前收到素來關注動物嘅翁靜晶聯絡，佢表示願意暫時全數收留馬會多達 100 隻未被領養嘅貓貓，惟目前仍未收到「澳賽」回覆。

翁靜晶喺個人社交媒體出 PO，對「澳賽」處理手法表達不滿：「上次澳門跑狗場結業，就因為沒有好好處理跑狗何去何從，遭到全人類唾罵。今次澳門馬場結業，又輪到貓。大約 100 隻貓，為何不可以給予時間讓人領養？要送去珠海一個神秘的地方呢？貓也是命，有錢人能夠慈悲一些嗎？」

資料來源：澳門貓貓大集匯