《毛家》人寵特別場 門票現已開賣 帶愛犬入戲院睇好戲
各位狗狗家長請注意！帶埋狗狗入戲院睇電影嘅機會嚟喇！《#毛俠》導演區焯文全新紀錄片作品《毛家》，用四年時間去追蹤民間團體「毛守救援」嘅動物拯救過程，記錄浪浪由無家到「毛家」（毛孩的家）的感人歷程！
你都想同狗狗相伴創造更多難忘回憶？千祈唔好錯過 4 月 6 日《毛家》人寵特別場呀！特別場會有導演區焯文出席映後分享，而且喺音響同埋燈光都有特別調節，唔使怕太嘈或者怕狗仔摸黑會好驚。狗狗都要有自己嘅一張戲飛，溫馨提示，買飛嘅時候記得幫佢揀「毛孩」票種呀！
日期：2025 年 4 月 6 日 ( 星期日 )
時間：下午 4 時正 (請提早至少 30 分鐘到場)
地點：高先電影院
票價 (成人)：HK$150
票價 (狗隻)：HK$150
備註 : 主人及狗隻均須單獨購買一張戲飛
《毛家》簡介：由 2019 年至 2023 年間，追蹤香港民間團體「毛守救援」的動物拯救過程，包括醫治、暫托到領養，以「救一隻、活一隻」的精神將生命救過來。《毛家》紀錄流浪動物由無家到「毛家」（毛孩的家），牠們被棄養、被虐待；有被砍掉半邊頭顱、有傷口潰爛、有被蛆蟲侵蝕；有些花盡醫療費也救不到，有些因樣貌外形不討好而留在狗舍終老⋯ 四年時間追蹤拍攝了超過四十隻流浪狗，結果成功入屋無奈地只得四隻，可見當中的得來不易，這就是現今流浪動物的殘酷現況！
資料來源 : Golden Scene HK
其他資訊
