【週末好去處】 免費入場 有得打卡 兼免費幫毛孩做身體檢查

寵主們，週末未諗到有咩好地方去嘅話，咁就啱喇！等城城小編推介個好地方畀大家！嚟緊 3月 30 日（日） 喺全新寵物友善點西沙 GO PARK 將會有由「香港寵物會」主辦嘅活動「 PET CLUB 春日寵愛嘉年華」！嘉年華嘅活動非常豐富，仲要係免費入場㗎！

嘉年華精彩活動：

• 寵物市集：探索最新嘅寵物食品、用品及時尚服飾，滿足你同主子嘅購買慾。
• 免費身體檢查：VetiVa 動物醫院嘅專業團隊將為你嘅毛孩提供基礎健康檢查，等你更了解佢哋嘅健康狀況。
• 狗狗領養日：由香港拯救貓狗協會（HKSCDA）帶來等待領養嘅可愛毛孩，實踐「領養代替購買」嘅理念，讓更多毛孩搵到溫暖嘅家。
• 專家講座：一系列免費的「醫、食、住、行」小貼士講座，等大家學習如何成為更稱職嘅寵物主人。

嘉年華詳情 :

• 日期：2025 年 3 月 30 日
• 時間：11:00 – 20:00
• 地點：西沙 GO PARK F 座 1 樓 118A 舖 The Spark
• 入場費：免費，歡迎攜帶寵物參加
• 備註：活動設寵物急救站，駐場嘅寵物救護團隊將隨時應對緊急情況，確保活動安全無憂。
• 講座報名：記得預先網上報名以留座，名額有限！報名截止日期為  3 月 27 日 15:00。立即報名：https://forms.gle/YT9fB9r6ggi5HgbZ9

西沙 GO PARK 簡介：設逾 3,000 呎寵物公園，設有不同寵物設施，包括 glamping 露營打卡位、Dog Parking 及毛孩專用飲水機等。

想知更多「春日寵愛嘉年華」詳情，就要立即追蹤「香港寵物會」嘅專頁喇！希望大家喜歡城城小編今日嘅推介，能夠同毛孩過一個既愉快又有意義嘅週末啦！唔講咁多，城城小編都要 mark 定日子帶毛孩去先得！