元朗寵物店暫托小狗 B 日前有家了 被網民捕獲風騷大跳「入屋舞」

月前，幾隻小狗 B 被主人連同其他姐妹一齊被裝入膠袋丟落河幸獲救。元朗「好街坊寵物」暫托咗佢哋，一隻被救小狗 B（名「東東」）喺暫托期間，貓店長「雲吞」對佢呵護有加，除咗畀「東東」日日當地氈咁坐都無反應之外，仲畀「東東」係咁咬條尾都無發火，好有愛呀！

及至日前，「好街坊」開心出 PO 宣佈喜訊：「『東東』新主人喺附近就讀嘅中學生，由媽媽代為領養，未斷奶嘅時候，『東東』新爸爸日日都花兩小時來搵『東東』聯絡感情，仲幫『東東』改咗新名『烏冬』。新爸爸亦為『烏冬』招攬咗一群米飯班主，包攬咗『烏冬』未來幾個月嘅飲食起居！今日『烏冬』正式返新屋企喇！希望『烏冬』小朋友可以陪伴啲大小朋友度過未來美好嘅學生時代。真心祝福大家！」

資料來源：好街坊寵物