居港日本夫婦風雨不改餵飼海邊浪貓托友人出 PO 為貓尋家

呢隻住係海邊嘅浪貓，每日都有一對住係香港嘅日本夫婦餵食。最近，日本夫婦帶咗貓貓去絕育，原本打算原地放回，但係夫婦二人見貓貓由入籠到絕育都好乖，所以帶咗佢返屋企畀佢休養一下。然而，夫婦因私人原因未能長 keep 貓貓，所以日前托朋友出 PO，希望睇吓有冇運氣可以喺短時間内幫貓貓搵到一個愛佢嘅家！

幸運嘅係，出 PO 一日左右已經有幾位有心人查詢貓貓嘅領養方法，亦有逾千愛貓網民留言希望貓貓不用被放回，及祝福貓貓能早日入室：「又靚又乖，值得擁有一個家」、「希望貓咪有個幸福的家有人愛錫照顧」、「好乖乖嘅様，希望可以快啲入到屋！」、「祝福貓貓找到愛心家長」、「大家一起集氣祝福他早日有家」。

資料來源：fb @ Ivy Man