海邊浪貓尋家失敗 再次出發尋找溫暖的家

大家還記得城城小編日前報導過一隻住係海邊嘅浪貓嗎？佢每日都有一對住係香港嘅日本夫婦餵食。及後夫婦二人托朋友出 PO 希望睇吓有冇運氣可以喺短時間内幫貓貓搵到一個愛佢嘅家！

日前有關報導：https://bit.ly/4jqUB19

原本出咗  PO 一日左右已經有幾位有心人查詢貓貓嘅領養方法，但不幸地，有心人因為自身問題，最後都唔能夠帶貓貓返屋企。因此，獨立義工 Ivy 希望城城小編再次為貓咪出 PO，希望多啲人見到佢，增加佢能夠搵到屋企嘅機會！

貓咪資料：

日本名： はつ（即係 8 嘅意思）

中文名：夏至

性別：仔仔

性格特徵：細膽、摸佢會震、但唔會出手、為食

如想對「夏至」了解更多，或有興趣領養「夏至」，請 ig 直接 pm 獨立義工 Ivy （@sham_tseng_catcat）。希望大家一齊集氣祝福「夏至」，盼望佢能盡快入室，早日有家！

溫馨提示：領養前請考慮清楚未來嘅照顧責任，唔好因一時衝動而領養，以免誤咗動物一生。

授權轉載：ig @ sham_tseng_catcat