【狗狗諗緊咩？】6個你不可不知嘅狗狗肢體語言

雖然人同狗狗唔可以用同一種語言溝通，但只要喺日常生活中細心觀察，透過狗狗嘅肢體語言，我哋都一樣可以明白狗狗內心諗緊咩！

1. 低垂並搖擺巴尾

好多人都以為狗狗擺尾就係表示開心同友好，但如果狗狗垂低尾巴，慢慢咁樣擺尾，可能代表狗狗唔知道主人做緊咩，好想理解清楚主人嘅指示。

2. 耳仔向後貼平頭頂

狗狗耳仔向後貼平頭頂（俗稱飛機耳），其實係受驚嘅象徵。好多時狗狗都只會壓低左耳，表示狗狗面對緊一啲唔熟悉或者驚嘅人，主人要好好注意。

3. 狗狗打呵欠

呢種表現可能代表狗狗正處於緊張、有壓力同無耐性嘅狀態，可能覺得主人要求太多或因為其他環境因素，例如面對大體型狗狗、身處喺寵物醫院等。

4. 舉起一隻手手

狗狗會有呢個動作，多數係想向主人表達某種請求，例如係想玩或者想主人餵自己食嘢等；另外，都有可能係狗狗發現左自己令有興趣嘅事物。

5. 將手手放上主人膝蓋

如果狗狗好沾沾自喜咁將自己隻手手放係主人膝頭上面，代表狗狗可能想支配主人去完成自己願望，喺呢種情況主人最好望住狗狗並移開佢隻手。

6. 將頭部放上主人膝蓋

狗狗做呢個行為大部分原因，係因為想表達出狗狗需要主人嘅訊息，希望可以得到主人嘅注意，主人要好好陪伴狗狗。