【寵物家居好物推介】Miele Triflex一機三變吸淨寵物毛髮

各位寵物主人，你哋嘅屋企係咪都有「一屋都係毛」嘅情況呢？會唔會覺得每日要清潔毛孩留在傢俬同地板嘅毛髮，都係一件幾辛苦嘅事呢？想輕鬆清除家中毛髮同塵埃？一部特別設合寵物家庭需要的吸塵機，肯定幫到你！

德國高級家電品牌Miele已經有90年製造吸塵機嘅經驗，宜家推出首部無線吸塵機「Triflex」，採用「一機三用」設計，透過調節主機(PowerUnit)嘅位置，可以隨時輕鬆變身做不同模式，包括「座地式」、「掛牆式」及「手提式」，就算寵物喺屋企邊個角落留低毛髮，要清理都一樣咁容易。

Miele嘅電器產品出名襟用同高質就係人都知，所以對於佢地首部直立式無線吸塵機，小編可以話係非常期待，今次自己就親身試用呢部Triflex嘅「Cat&Dog」型號喇，第一眼就覺得外型好靚之外，用落亦非常順手，完全符合哂人體工學，而且仲有好多適合我哋寵物主人嘅features，宜家就同大家分享下！！

「座地式」可自行站立吸塵又慳力

首先，好多無線吸塵機喺唔用嘅時候都一定要掛牆，而Triflex嘅「座地式」，藉著將吸塵機主機移至靠近地面位置，機身就算唔靠牆，都能自行站立在地上。好多時吸塵期間，毛孩去完廁所要立即去清理，如果要像一般吸塵機咁要掉喺地下，隨時會絆到毛孩或其他屋企人，Triflex就冇呢個問題喇。

由於「座地式」機身重量貼近地面，所以就算長期使用都冇咁易感到疲累。加上有XXL特闊電動吸頭，清潔客廳等較大面積嘅空間都又快又easy。

「掛牆式」吸走難以觸及地方嘅毛髮

而「掛牆式」則係將吸塵機主機置放頂部，配合長吸管，可以觸及天花角落、傢俱下方嘅窿窿罅罅同櫃頂。小編嘅毛孩好鍾意躲藏喺床下底同梳化底，並留低大量嘅毛，「掛牆式」就最適合清潔呢啲地方喇。

「手提式」最啱清潔寵物嘅梳化床仔、主人嘅座駕車廂

至於寵物留在梳化，還有牠們床仔上的毛髮，就最適合用三個模式中最輕巧易攜嘅「手提式」去快速打掃。而相信唔少寵物主人都同時係車主，「手提式」細細部，由屋企帶落去部車度，要吸乾淨車廂都非常方便。

配合埋「Cat&Dog」型號隨機附送嘅SEB 23塵蟎吸頭，利用高速拍打技術及強力電動滾筒，不論是梳化、座位及床鋪上難以去除的寵物毛髮，都能一一被吸頭拍起及以滾筒「碌」起，再由Triflex嘅強大吸力徹底吸走。而且仲可以清除埋纖維上嘅塵蟎，進一步減少引起主人同貓狗敏感嘅機會啦。

另外，小編自問都係一個機器白痴，不過使用Triflex時，轉換「座地式」、「掛牆式」或「手提式」不同模式，都覺得完全冇難度，兩三下就完成裝拆，非常簡單。

靈活收藏方式掛牆唔掛牆都得

Triflex嘅設計靈活，可以揀不同嘅收納方法。小編就首選會用「掛牆式」，配合原裝嘅掛牆架掛出嚟，因為感覺非常型仔，完全可以突出個人品味啊！！！如果屋企唔想鑽牆嘅，或者租屋業主唔容許鑽牆，用「座地式」都好容易收納喺牆邊等嘅位置。

過濾99.999%致敏原

相信大家都知吸塵機的過濾如果做得唔好，排出來嘅空氣好容易令毛孩同屋企人過敏。Triflex採用三重過濾設計，先以強勁Vortex氣旋技術高速分離較塵埃，再利用微塵過濾網過濾較微細的塵，最後「Cat&Dog」型號的HEPA免更換濾網，過濾99.999%致敏原^[1]，令排出的空氣比周遭更潔淨^[2]。