俄羅斯街頭塗鴉藝術家 Vladimir 之「貓畫」再現
唔知大家仲記唔記得上年年底為我哋香港人喺港九新界畫咗唔少幅大型貓畫嘅俄羅斯塗鴉藝術家 Vladimir 呢？自上年年底，佢為新蒲崗動物醫院畫咗「7 號貓」加「1 號狗」之後，佢嘅畫作又再現身街頭喇！
日前，一名網民於愛貓群組 PO 出數張 Vladimir 於屯門山景南輕鐵站内作畫嘅照片。今次，畫作比較大型，約有 4 個地鐵廣告燈箱咁大。驟眼睇，似乎畫作已完成得七七八八。不過，唔少網民就擔心畫作又會好似之前嘅「大帽山貓」、「汀九貓」及「觀塘貓」咁，好快被「髹白」，希望畫作可以「留得低」。
相片來源：fb @Chris Kwan
其他資訊
