美國佛羅里達州 擬禁犬隻將頭伸出車窗外
月前，美國佛羅里達州有議員提交草案，希望立法通過禁止駕駛者喺行車期間，畀狗隻嘅頭部及身體任何一部份伸出車窗之外，違例者最高可被罰款US$5,000（約3.9萬港元）！
聽起上嚟，呢個草案好似完全唔關香港事咁，但各位有飼養狗狗嘅車主必須要知道，畀狗隻伸頭出車窗外係一件好危險嘅事，因為佢哋對眼好容易畀吹起嘅沙塵整傷。此外，長耳狗亦都好容易畀風吹到對耳仔不斷擺動，整傷耳朵嘅軟組織，狗隻仲好可能因外來因素影響而受驚，行車期間突然從打開嘅車窗跳出車外！所以就算狗仔好鍾意伸個頭出車窗吹風都好，愛錫佢哋嘅主人就千祈唔好喺載住佢哋嘅時候打開車窗喇！
資料來源：upcarhkg
其他資訊
