行山人士發現唐狗被膠紙封口 以為被人虐待 原來純屬誤會
日前，救狗群組有一名行山人士求助，佢喺大帽山上發現一隻畀人用膠紙封住咗個口嘅唐狗。佢懷疑狗狗被人虐待，好擔心佢因為口被封住而食唔到野，同飲唔到水，所以向動保機構求助。
「毛守救援」收到求助電話後，立即上山搜尋唐狗嘅蹤影，及至尋日（星期一）終於搵到佢。唐狗叫阿寶，今年 7歲，原來佢係有主人嘅。「毛守」義工表示，主人陳伯對阿寶非常好，用膠紙封口虐待狗狗原來純屬誤會。據阿寶主人陳伯講：「日前幫阿寶沖涼， 阿寶沖涼時有咬人嘅惡習，所以我就迫不得意用膠紙封住阿寶個口， 沖涼之後放佢周圍走， 應該就係喺嗰時被行山人士發現到佢。」
最後，「毛守」交咗一個狗狗口罩畀陳伯，希望陳伯下次同阿寶沖涼時可以用得著，唔會再惹人誤會～
資料來源：毛守救援
其他資訊
