「愛協」全新喪寵情緒支援網站助寵主走出悲痛

唔少寵主都會將寵物視為家庭重要成員，因此，當寵物離世，寵主就會感覺有如喪親般悲痛。香港愛護動物協會 (「愛協」) 為幫助本地寵主喺面對喪寵時能夠慢慢走出傷痛，推出「活到老寵到老」支援計劃，並建立同名嘅喪寵情緒支援網站，希望能夠為痛失愛寵嘅主人提供實質及情緒上嘅支援。

「活到老寵到老」喪寵情緒支援網站提供由獸醫同輔導員撰寫嘅文章同常見問題，讓寵物主人可即時獲得有用嘅建議，例如如何從個人層面應對愛寵離世、如何幫助孩子及其他寵物走過悲傷等。網站仲設有「數碼紀念牆」，讓寵主同親朋好友都能夠一同悼念愛寵。

「活到老寵到老」支援計劃下一階段將會提供更多實質嘅支持，包括老年寵物護理課程及寵物悼念工作坊等，為將面臨喪寵嘅主人提供更全面嘅協助。