恒生設全港首間寵物友善分行 方便客戶帶毛孩享用理財服務

早前，恒生優越理財－家庭理財規劃進行咗一項有關飼養寵物嘅調查，調查喺 2022 年 12 月至 2023 年 4 月分階段進行，訪問咗超過 200 位 30 至 64 歲並持有港幣 100 萬元或以上流動資產嘅人士。當中每 4 位受訪者中就有 1 位（即 25% 受訪者）現正飼養或有計劃未來半年飼養貓或狗。從調查結果可見，香港愈來愈多人飼養寵物，然而寵主們都明白香港唔係好多地方都容許寵主攜帶寵物內進。

為配合客戶需要，恒生銀行率先將位於銅鑼灣嘅希慎道分行升級為全港首間寵物友善分行，畀客戶可以帶同毛孩一齊前往分行處理銀行事宜。

寵物友善分行究竟有啲乜嘢專用設施？首先，分行嘅大堂及優越理財中心大堂都設有寵物友善等候區域，備有寵物專用垃圾桶、空氣清新機、濕紙巾等，畀客戶同毛孩可以舒舒服服咁安坐等候區，等候享用銀行服務。此外，客戶仲可以帶同毛孩喺寵物友善會議室處理銀行事務，或同銀行職員進行理財諮詢。分行內更特別採用對寵物無害嘅清潔劑，確保毛孩嘅安全。

• 恒生寵物友善分行基本守則：

   

  -       每位客戶只可攜帶一隻貓或狗進入分行，其他寵物或危險狗隻將被禁止進入。

  -       寵物主人於任何時間均須用一條長度不超過 1.5 米的帶牽引寵物，或將寵物穩妥地放入合適的寵物便攜袋或箱內。

  -       寵物主人應時刻確保寵物在其控制範圍之內，以免造成任何滋擾及噪音，或對其他人士構成傷害或危險。

  -       寵物主人應時刻保持分行衛生，並盡可能使用寵物友善區域。