同毛孩來個「僞法國之旅」 打卡、Chill 下兼 Shopping！

周末想同毛孩 chill 下、又想有得打卡兼 shopping？等城城小編介紹你去個可以一次過滿足晒你三個願望嘅地方啦！由即日起至 5 月 28 日期間，赤柱廣場舉行一個名為 「Art & Dine Festival」嘅活動。廣場採用黑白手繪浪漫風，以粗線條簡單勾畫出 4 個法式打卡位 － 艾菲爾鐵塔、凱旋門、羅浮宮及巴黎街頭 Café，畀你同愛寵可以嚟一趟「偽法國之旅」，盡情打卡呃 like！

有得打卡之餘，廣場喺周末仲設有市集，畀你買到法式手信，例如美酒佳餚、香薰等，市集亦特設寵物區，寵物食品、創意家品及智能家居用品等，包羅萬有，到時記得帶定購物袋去掃貨啦！

講到「偽法國之旅」，又點少得整返支法國啤酒？「Art & Dine Festival」特設法國品牌 1664 啤酒換領區－你只須周末喺赤柱廣場或美利樓以電子貨幣作任何消費，追蹤赤柱廣場（@stanleyplazahk）及1664（@1664blanchk）嘅官方 Instagram 帳號，就可以率先品嚐最新口味嘅 1664 Brut 拉格啤酒㗎喇！周末能夠一邊飲住冰凍啤酒，一邊同毛孩享受海風，絕對係人生一大樂事啦！