主人狂被愛犬抓胸 身體檢查後發現患乳癌

英國一名狗主 Claire 喺 2019 年收養咗一隻被遺棄喺收容所門口嘅小狗 Holly。

Claire 帶咗 Holly 返屋企之後，覺得 Holly 嘅行為有少少奇怪 －佢好鍾意將鼻伸入 Claire 嘅上衣入面，又特別鍾意趴喺佢左胸上面瞓覺。及至 Holly 長大之後，Holly 就好喜歡經常用手抓 Claire 嘅左胸，抓嘅時候仲會不停悲鳴。直至 2020 年，Claire 感覺到左邊乳房似乎有腫塊，就去醫院做身體檢查。

身體檢查後，Claire 被診斷患乳癌，癌細胞並已擴散到淋巴結。經歷過手術同為期一年多嘅化療之後，Claire 已經逐漸康復。

Claire 發現切除乳房後，Holly 就冇再用手抓佢嘅左胸，佢非常感激 Holly：「我一直以為乳癌只會發生喺六七十歲嘅女性身上。如果當初唔係 Holly 嘅『奇怪行為』，我就唔會去做身體檢查，所以 Holly 絕對係我嘅救命恩人，我好多謝佢！」

資料來源：Mirror