好心人於又一村停車場 發現疑被棄養西施狗 立即將其救起

月前，有位好心人喺又一村某大廈停車場發現一隻西施狗，佢仲爭啲畀車車死 ，好心人將佢救起之後，喺附近搵咗一輪都唔見有主人。好心人表示：「隻狗當時超級臭同污糟。」佢立即搵義工協助，義工連忙帶狗狗去寵物店沖涼，執返個靚樣之後掃晶片，但漁護署話晶片冇主人資料，係空晶片。

寵物店現暫托咗狗狗十多日仍未見主人出現過，亦冇見到任何尋犬啟事。義工嚟緊會同狗狗打瘋狗針同攞狗牌，準備幫狗狗搵新主人。

西施狗資料：

女仔，1 歲多

性格：親人、親狗、愛玩

習性：已識喺尿墊痾尿；會摷垃圾桶；跳躍能力高，會跳上櫈同跳上狗籠，矮圍欄佢會跳出嚟；困籠會吠一陣。

如興趣領養，可以將姓名及聯絡電話 pm 畀城城小編，小編會將資料轉交義工，義工會聯絡你約時間見狗狗，再等佢哋甄選做後家訪（並非先到先得）。

領養者要求：

必須年滿 25 歲以上

居住地方可養狗

居屋、公屋、車房、倉狗放養免問

最好養過西施

須接受義工家訪

資料來源：Rainbow Pet Shop