唐狗女被遺棄街角 仍留守原地等主人 幸漁護捉走前 被義工救返狗場

年前，呢隻叫「黑妹」嘅 7 歲唐狗女喺荃灣被屋企人遺棄咗係屋企附近。「黑妹「大概認得個返屋企嘅路，每日都喺屋企附近同一個位置等待主人出現。每一個經過嘅人，「黑妹」都會傻更更咁望住，可能以為係主人朋友嚟接返佢返屋企...

「黑妹」有啲膽小怕人，但性格十分溫純，對狗狗卻十分好奇。一班街坊表示，從來無聽「黑妹」吠過半聲。但係，突然有一日，有人報漁護要捉走「黑妹」。街坊唏噓慨嘆點解有人要咁樣對「黑妹」：「『黑妹』從來不吠不叫不害人，佢只係默默坐喺街度等一個永遠唔會返嚟嘅主人...」

及後，有義工得知此事，即時帶咗「黑妹」返狗場。義工表示：「『黑妹』驚到全身震晒，但還好佢仲認得之前一直喺街有餵開糧畀佢食嘅嗰位姨姨…有人話入咗狗場嘅狗狗，好難擁有一個家，『黑妹』只需要一張床，同人類嘅一點愛而已。」

授權轉載：fb @Suki Man