中大貓 Grisha 陪伴師生校友共 16 年昨日因病離世

昨日 (10 日)，香港中文大學嘅一眾師生帶住非常沉重嘅心情同大家講：「陪伴咗我哋 16 年嘅貓咪 Grisha 今日已經因病離世，去咗彩虹橋。Grisha 嘅身體喺呢幾個月變得好差，已經唔多食嘢，行唔到，睇唔到。呢幾日都喺屋企休息，今日教授終於陪佢走咗最後一程。Grisha 咁多年來陪伴咗好多同學走過大學生活。無論開心快樂嘅日子，傷心痛哭嘅日子，心情煩躁嘅日子，定係無無聊聊嘅日子，佢都喺何草陪住大家渡過。今日終於輪到佢畢業啦！希望佢喺彩虹橋繼續守護住大家！Grisha, RIP！」

Grisha 其實係崇基學院神學院白德培教授嘅家貓 Grisha。神學院將於 10 月 11 日至 25 日 (星期一至五，早上 9 時至下午 5 時，星期四至晚上 8 時 30 分開放) 於容啟東校長紀念樓 G 樓聖堂外設紀念冊，誠邀中大師生們前往留言寫下對 Grisha 嘅感謝與道別，送上對 Grisha 嘅祝福。