江蘇逾千隻貓被不法商人偷運 用以冒充豬牛羊肉出售圖利

日前，江蘇張家港市警方，截獲一輛載住千幾隻貓嘅貨車。據報呢啲貓原定運往廣東賣俾不法商人，用嚟冒充羊肉同豬肉等，甚至製成食品推出市場。有動物義工喺本月中舉報，呢架由張家港出發嘅貨車。警方到場後，發現貨車有廿多個籠，載住過千隻貓。

動物義工表示，呢啲貓原本會被運往廣東，以每斤 4.5 元人民幣嘅價格賣出，冒充價格較高嘅羊肉及豬肉，甚至加工製成香腸、烤肉串等。動物義工透露：「一隻貓差唔多 40 元人民幣左右，不法商人捉一隻返嚟就淨賺 40元人民幣。是次警方截獲行動中，獲救嘅除咗有家貓，仲有名種貓，估計係有不法商人偷貓後再轉售圖利。呢批獲救嘅貓已被送到救助中心，稍後中心將會嘗試為佢哋逐一尋回主人，或尋找領養。」

資料來源：彭博新聞