貓界 KOL 無耳貓「薯仔」 日前因腎衰竭惡化離世

貓界 KOL 無耳貓「薯仔」嘅主人 Carl （「薯爸」）十日前出 PO：「薯仔腎衰竭指數爆升，醫生話可能係慢性腎衰過程中嘅急性病變，亦可能係腎臟功能真係衰退到失去功能。而家每日幫佢打皮下水同食降磷藥。三日後覆診，醫生話如果無改善就要有心理準備…」

唔少網民隨即留言畀「薯仔」為佢加油打氣。「薯仔」身體變差嘅呢段期間，「薯爸」喺社交平台 keep 住 update 「薯仔」嘅狀況俾大家知：「呢兩天『薯仔』體力好差，走路歪歪無力，但仍能自己去廁所排尿。不時趴下發呆，喺兩個水兜之間來回，但又唔瞓覺，眼光光。對食物無興趣，水都只睇唔飲，要灌食。」

及至今星期初（23 日），「薯爸」表示好遺憾，要講俾大家知，「薯仔」因腎衰竭惡化，去咗彩虹橋...希望「薯仔」喺彩虹橋可以無病無痛，快快樂樂咁生活。

網民們得知呢個沉痛嘅消息之後，除咗祝福「薯仔」，希望佢做個無憂無慮嘅小天使之外，亦想多謝幫「薯仔」創立咗 IG 同 FB 專頁嘅「薯爸」：「多謝你不時分享『薯仔』嘅生活，同佢有趣可愛嘅一面，為所有睇『薯仔』嘅人帶嚟唔少歡樂。」

資料來源：ig @no_ear_meow_potato