小狗太善良 「看唔到門口」而被前主人遺棄

日前，動保組織「守護浪浪福利協會」收到求助－ 一隻忠心耿耿嘅小狗「啡寶」被遺棄。

「啡寶」係一頭隻只有八個月大嘅小狗，「主人」想用「啡寶」嚟守門口，所以「啡寶」一直唔能夠入屋，只係長期被綁喺屋外。「主人」任由佢日曬雨淋，被風吹雨打。

所謂「主人」不但無給予合適嘅居所俾「啡寶」，更無提供足夠嘅糧食，一直以來，多得一位好心村民一直關顧，每日為佢送上狗糧同清潔食水，「啡寶」先可以得到溫飽，勉強生存。

「啡寶」日漸長大，村民帶咗「啡寶」去絕育之後，最近發現佢每日都瞓喺屋前閘外。村民意識到「啡寶」好想返回大閘內範圍，因為除咗嗰度，佢實在並無其他地方再可以去，然而，閘門卻被「主人」鎖上。村民搵屋主了解事情，原來屋主話「啡寶」太乖，唔夠兇惡，看唔到門口，所以唔要佢！

「守護浪浪」義工慨嘆：「原來太乖巧係原罪！原來唔夠兇惡都係原罪！原本已經住喺室外，而家連僅餘嘅空地都無埋。我哋『守護浪浪』決定接收『啡寶』，並且已經帶咗佢去動物診所做身體檢查，幸好報告結果一切正常。『啡寶』身體狀況健康，非常適合被領養。」

「啡寶」資料：

男仔，八個月大，已絕育，不護食，不搶繩，識落街大小便，已打防疫針，已打瘋狗症針。本性善良，親人親狗親小朋友，亦可以同貓貓和平共處。

有意領「啡寶」，俾佢一個重生嘅機會，令佢得到一個真正愛佢嘅家，請 pm 「守護浪浪福利協會」或 whatsApp 領養專線 6166 6106。

溫馨提示：

需要接受家訪，居所必須合法飼養狗隻。

室外養及看門口用途恕不接受。

領養人必須年滿 25 歲。

資料來源：守護浪浪福利協會