英國貓站長 每日定時定候出門「上班」 繁忙時段 坐閘口「當更」

呢隻來自英國嘅 4 歲貓貓叫 Nala，佢每日喺朝早同夜晚兩個繁忙時段都會喺 Stevenage 火車站嘅閘口出現，通常佢會坐喺入票機上面睇住火車乘客出處入入。

唔少火車乘客初時都以為 Nala 係一隻流浪貓，但其實佢有主人㗎！主人 Natasha 接受外媒訪問時表示：「Nala 一向都非常鍾意出街，所以我幫佢裝咗 GPS ，我會隨時知道佢去咗邊。不過，佢一向只會去兩個地方，就係屋企附近個火車站，同車站隔離個公園。」

知道唔認識 Nala 嘅人經常以為佢係浪浪，主人 Natasha 幫 Nala 戴咗個頸圈，上面寫住佢個名同聯絡主人嘅詳細資料，但 Natasha 笑言，佢曾經試過一日內接到大約 20 個電話，問佢隻貓係咪走失咗，所以， Natasha 最後喺頸圈上面加多句：「I’m not a lost cat!」

Stevenage 火車站嘅人類站長 Shaun Smith 表示，所有車站員工都非常喜歡 Nala ：「Nala 嘅出現為車站帶嚟唔少愉快嘅氣氛，所以我哋所有人都好鍾意 Nala，每日都好期待佢『返工』㗎！」

資料來源：fb @ The Adventures of Nala