因太善良 「看唔到門口」被遺棄的小狗 有家喇！

日前，城城小編報導過一隻只有八個月大嘅小狗「啡寶」。前主人想用「啡寶」嚟守門口，所以「啡寶」一直唔能夠入屋，任由佢日曬雨淋，被風吹雨打。最後，前主人更認為「啡寶」太乖，唔夠兇惡，看唔到門口，所以唔要佢！

及至昨晚，小編收到動保組織「守護浪浪福利協會」義工嘅好消息 ：「『啡寶』有家喇！」

義工表示：「領養人係透過我哋嘅領養專線 whatsapp 聯絡我哋嘅。佢哋見到我哋『守護浪浪福利協會』嘅貼文後約見『啡寶』。喺見面期間溝通嘅時候，男主人亦提及見到『毛城城』都有幫手報導有關『啡寶』嘅事。所以想感謝促成佢哋能夠同『啡寶』相遇嘅每一位！」

在此，希望「啡寶」往後日子生活愉快，感受到有家嘅溫暖！

授權轉載：守護浪浪福利協會