前主人怕狗吠聲嘈到 BB 棄養現尋領養

呢隻貴婦狗仔叫大 B，身世可憐。原本大 B 係由一對情侶共同養嘅，但後來因為佢哋分手，大 B就跟咗男方住公屋嘅媽媽。義工表示：「我唔知道男方媽媽養咗大 B 幾多年，大 B 係好黐好跟媽媽嘅。佢地一直相依唯命，原本都無咩事，但係最不幸嘅事情發生喇！」

男主人結咗婚生咗 BB，就搬返去公屋同佢媽媽住。佢為咗唔想大 B 嘅吠聲嘈到 BB，又唔想因為大 B 嘅吠聲俾人投訴，所以出動口罩同電滅聲帶，只要大 B 吠，佢哋就會打大 B…

義工憤慨表示：「狗狗吠係正常㗎！人類點解你哋買狗養嘅時候唔諗清楚？一條生命嚟㗎！大 B 咁就俾人類浪費咗 9 年嘅光陰。佢將最好嘅時間俾晒你哋，但係換嚟嘅既就係『盡快送佢去愛協』！呢啲就係所謂人性喇！大 B 仲咁精靈活潑，身體健康正常，只係偶然吠兩聲。有無善心人可以俾大 B 一個重生嘅機會，擁有一個美好嘅新生活？」