養貓後 8 個生活變化 你中咗幾多個？

養貓後，除咗出街會時時刻刻都擔心、掛住貓貓之外，有冇發現你有唔少嘅生活習慣都有所改變？以下８個養貓後嘅生活變化，睇吓你中咗幾多個？

1 貓，全部都係貓

本來手機嘅相簿入面全部都係自拍照；養貓之後，手機裡面幾乎全部都係主子嘅相。

2 潔癖指數下降

以前，屋企地下有幾條頭髮都會好在意，立即執起；養咗貓之後，就算一地貓毛，成衫成褲都係貓毛都唔介意。

3 專注力急速下降

以前喺屋企可以好專注咁坐喺書枱前面做嘢；養咗貓之後，做嘢嘅專注力急速下降，因為主子不時會跳到你身上面，或跳上書枱上面，目的係引你注意，要你理佢為止。試問咁樣點能夠專心做嘢呢？

4 衝動消費指數上升

以前自己想買嘢畀自己會諗好耐，又會貨比三家；養貓後，買畀貓貓嘅嘢諗都唔諗就即刻買，更過份嘅係，未知啱唔啱主子用嘅都買咗先算。

5 去廁所壓力變大

未養貓前，去廁所係一個非常適合獨處，幫助放鬆心情嘅活動；養咗貓之後，廁所經常多咗一對非常銳利嘅眼望實你，想去耐少少都感覺有壓力。

6 養成儲紙皮嘅習慣

未養貓前，你會將冇用嘅紙皮箱丟掉；養貓之後，你會留返晒啲紙皮箱喺屋企，更甚至會問朋友有無多餘嘅紙皮箱可以畀主子玩。

7 變成極簡主義者

養貓前，你鍾意喺屋企擺放吓小盆栽同小擺飾，點綴一吓家居；養貓後，屋企唔會再見到有小任何盆栽同擺飾，所有易碎嘅飾品都收埋晒，慢慢崇尚極簡主義嘅家居風格。

8 作息時間受主子控制

未養貓之前，本來假日鍾意瞓到中午先自然醒嘅你，自從養咗貓之後，生活作息完全受主子所影響。一大清早，主子就跳上床將你叫醒，唔起身都唔得啦！

資料來源：maoup

相片來源：shutterstock