被棄置廢墟內的唐狗 經歷不幸後重新振作 現盼尋家

大家仲記得呢隻曾被遺棄、再被無良領養人帶到大角咀廢棄的屋內「暫托」（遺棄）嘅「小寶」嗎？

「小寶」經過幾個月社會化嘅訓練，變得自信大咗，由之前因種種不幸而認為死守籠中先係最美好，去到重新嘗試出街後發現外面更加精彩。尋回自信嘅「小寶」，走出籠中 comfort zone，會主動發掘接觸外界事物。而家已經可以同狗狗玩 ， 一齊友善交流，自由奔跑，看似簡單嘅互動其實都得來不易。

義工表示：「『小寶』自己都一直努力，佢想話俾大家知，其實佢係可以成為一個乖乖嘅溫柔小毛孩，一個家庭成員。『小寶』經歷不幸後，重新振作起來，每日從訓練、散步、社交中不斷裝備自己，準備好成為一位屋企人、好伙伴。你會俾個機會努力脫胎換骨嘅『小寶』嗎？」

「小寶」資料：

品種：唐狗

年齡：約  2 至 3 歲

性格：為食、貪玩 、愛照鏡（自戀）、忠心、喜愛大草地、動靜皆宜

註：之前種種唔好嘅經歷令「小寶」需多花少少時間混熟

資料來源：Le Lie