好心人路邊救起浪媽及浪 B

日前，一位女士（名 Karen）朝早喺牛潭尾散步嘅時候，喺路邊發現一隻狗媽，以及一胎 4 隻嘅狗 B。「佢哋係寒冷嘅天氣下凍到震晒！狗 B 就攬住媽媽取暖！」Karen 好好心，拎咗糧食同埋毛氈畀佢哋，希望佢哋可以捱過寒冷嘅天氣。

第二朝早上，Karen 去返發現狗媽及狗 B 嘅地方，有 3 隻狗 B 唔見咗，所以佢就立即抱起嗰隻喺狗媽旁邊嘅狗 B。「好好彩，狗媽都肯跟住我同狗 B 一齊入屋。」

Karen 第三日朝早再去多一次發現狗媽及狗 B 嘅地點。「兩隻 BB 又出現返，所以我急急忙忙帶埋最後兩隻 BB 走，怕佢哋會凍親。」Karen 照顧咗狗媽狗 B 們約一星期，但係佢放完聖誕假之後要開始返工，所以遂向義工求助，表示之後應該無暇照顧 3 隻狗 B ，希望義工可以幫狗 B 盡快尋家。

義工：「Karen 同我講，佢而家可以繼續照顧住狗媽媽先，因為媽媽好瘦，佢希望可以照顧好狗媽身子，將佢養肥番啲先，及後先再幫媽媽搵有心人領養！最後一隻狗 B 仍然未搵到，希望嗰隻狗 B 安全無事啦！現時希望義工 Rosa 能夠幫狗 B 搵到暫托或永遠嘅家啦！」

如果你有興趣領養狗 B 嘅話，請 whatsapp  9709 1786 直接聯絡義工 Rosa，感謝。

資料來源：fb @Rosa Pattinson