【以哈戰爭】加薩嚴重物資短缺 動物因缺乏食糧瀕臨死亡

以哈戰火持續蔓延，加薩民眾流離失所，經歷以軍將近 3 個月嘅狂轟猛炸，加薩目前物資嚴重短缺，人都食唔飽，更何況動物？

據外媒引述，加薩南部一個動物園 Rafah Zoo 入面動物陸續死亡，而仍然生存嘅動物好多都奄奄一息。Rafah Zoo 最近收容咗大批難民，園方坦承食物連人都唔夠食，動物更加係無嘢食。目前，園區已有  4 隻猴子死亡，第 5 隻亦都因為缺乏食物而瀕臨死亡。

園方亦向外媒投露，因為食物短缺，動物園裡面嘅獅子只能一星期餵食一次， 而且只能食用水浸過嘅麵包。令人最擔心嘅係，一頭母獅剛生咗 BB ，母獅無足夠奶水，小獅 BB 隨時可能餓死。

資料來源： Reuters