雪橇犬被硬塞入狹小背囊 狗主違反《動保法》 將被罰款

日前，台灣一名網友喺社交平台出 PO，佢目擊高雄一名揸電單車嘅狗主疑似將寵物雪橇犬，硬塞入狹小的透明外出背囊。從相片可見，雪橇犬喺背囊入面完全冇轉身嘅空間，只能夠緊緊蜷縮四肢、郁都郁唔到，而且從狗狗表情睇，佢明顯覺好唔舒服。「虐狗」嘅畫面迅即被愛狗人士瘋傳。由於樓主有影到涉事電單車司機嘅車牌，因此樓主事後立即向警方報案，同時向動保專線檢舉，並上網發文將此事公開，呼籲大眾一齊檢舉呢位狗主。

該 PO 引起唔少網友對涉事電單車司機譴責，更有唔少人企出嚟指出，呢名電單車司機已經唔係第一次咁做，「好想將主人塞入去」、「迫到咁可以點呼吸？根本係虐狗」、「之前喺 FB 群組見過，呢位狗主明顯想利用呢個方式呃點讚」、「佢係慣犯，狗狗仲細嘅時候，佢就已經用呢個背囊，到而家狗狗變到咁大隻，仲係用呢個背囊，根本係虐狗」。

高市動保組經調查後表示，狗狗雖然身體狀況正常，但狗主因違反《動保法》，將被罰款新台幣 15,000 元（約港幣 3,738）至新台幣 75,000 元（約港幣 18,691）。

資料來源：LTN