暫托變領養 領養人：「我自己決定完都感動到喊！」

上年年中，城城小編報導過一隻流浪大圍多年，已經 12 歲嘅被遺棄老唐狗「忌廉伯」。大圍街坊發現「忌廉伯」周身傷痕，聯絡漁護處後成功聯絡到晶片主人，但主人並無意接返「忌廉伯」同幫佢醫病。幸獲得義工幫助，帶咗佢去暫托家庭養病療傷。暫托家庭幫「忌廉伯」改咗個好有型嘅新名，叫「阿瑪絲他」，希望佢可以開展新生活，以後開開心心。

日前，城城小編收到暫托人好消息：「我哋正式領養阿瑪豬啦！我要大聲向大家宣佈，佢係我㗎喇！感謝大家呢段時間嘅支持，我地一家已經正式同大圍救起佢嘅街坊契媽們成功溝通好，會正式領養阿瑪豬。多謝大家一直捐款 / 助養阿瑪豬！喺呢段日子無咗大家都未能咁順利俾阿瑪豬一步一步咁得到好好嘅醫療，我決定領養阿瑪豬係因為我真係覺得佢係好值得被愛，好想俾個家佢令佢幸福。我其實暫托過唔少狗狗，都係第一次領養埋番屋企！我自己決定完都感動到喊！」

如及後大家睇吓「阿瑪絲他」嘅日常生活點滴，領人人幫「阿瑪絲他」開咗個 IG 帳號 (ig @geilimboyboy)，大家可以 follow 吓佢㗎！

授權轉載：兩母子