前「家人」移民 異瞳貓被棄養 義工盼為其尋家

呢隻異瞳貓叫 Snowy，上年被佢前「家人」移民將佢棄養。動保組織 HK Paws 將 Snowy 接走。醫生發現 Snowy 有嚴重牙患，而且仲天生聽唔到嘢。Snowy 喺貓屋住咗幾個月，剝牙後已經完全康復；而佢亦表示，聽唔到嘢反而可以耳根清靜。佢冇任何健康問題，亦唔駛特別照顧，最需要嘅只係一個一心一意愛佢一個嘅人類。

HKPaws 義工表示：「HK Paws 成立至今救過嘅貓貓冇一萬都至少有五，六千隻，但經過我哋手嘅異瞳貓就真係一隻手都數得晒！異瞳貓全部帶有白貓基因，因為其中嘅染色體突變而令貓貓出現異瞳特徵！咁罕見嘅外型，加上親人嘅性格，Snowy 真係十年難得一遇嘅好貓！成貓性格穩定，經歷被棄養嘅 Snowy 更識得感恩，會十倍百倍奉還你對佢嘅愛，希望大家考慮俾 Snowy 一個永遠嘅家，請幫忙廣傳！」

如有任何查詢，或有興趣領養 Snowy，請到 www.hkpaws.org 然後按 “adopt a cat” 填寫問卷以便 HK Paws 跟進，感謝！

授權轉載：Hong Kong Paws Foundation