年前領養阿拉斯加犬好心人 今再領養另一被遺棄邊牧
月前，我哋報道過一隻叫「懵懵」嘅阿拉斯加犬，三年前差啲被主人判刑安樂死，因為佢不良於行需要接受手術，而且身上有烏蠅蟲及發高燒，當時嘅主人並冇能力支付醫療費，於是帶咗佢去診所簽文件決定處決佢。當時診所立即聯救絡動保組織「守護浪浪福利協會」，希望「守護浪浪」可以救救佢。及後「懵懵」逃出安樂死鬼門關，仲有好心人陳先生領養咗，過住幸福嘅生活。
較早前有關「懵懵」嘅報道：www.mocity.com.hk/article/906
今日，城城小編再收到「守護浪浪福利協會」嘅一個好消息：「陳先生因為愛， 再次喺我們協會手中， 領養被遺棄嘅邊界牧羊犬 Kuki。上一次係『懵懵』，今次係 Kuki， 都係曾經冇人要， 可憐又枯萎嘅生命， 卻因為有大愛嘅人， 作出領養嘅決定， 徹底拯救咗佢哋。感謝你（陳先生）再次領養嘅一句諾言，感謝你一直支持領養不棄養。」
Kuki 現已改名 Snoopy， 希望 Snoopy 喺陳先生一家嘅守護下， 幸福快樂地過生活。
授權轉載：守護浪浪福利協會
其他資訊
