動物園內河馬被誤以為是男性 7 年 日前 DNA 分析後 方證實其女兒身

大阪天王寺動物園飼養嘅 12 歲公河馬「Gen-chan」，因為遲遲未發展出公河馬嘅行為特徵，令園方不禁懷疑河馬邊度出咗問題，經過 DNA 測試之後，結果喺動物園網站上公布 －原來「Gen-chan」係不折不扣嘅女兒身！

據外媒引述，「Gen-chan」喺 2012 年 3 月出生，2017 年從墨西哥動物園輾轉去到日本，墨西哥園方當時表示 5 歲嘅「Gen-chan」係雄性，進口所需文件亦表明佢係雄性，於是，天王寺就當真。天王寺動物專家表示，由於河馬通常喺 10 歲左右達到性成熟，雄性特徵可以從公河馬係咪會四處散布糞便爭奪領地，或向母河馬發出求愛信號等進行觀察，但動物園管理員逐漸覺得奇怪，「Gen-chan」至今仍未出現呢啲行為。此外，由於「Gen-chan」 體型很大，難以透過肉眼確認生殖器官，於是園方月初為「Gen-chan」進行 DNA 分析，結果證實「Gen-chan」是雌性！

園方鄭重表示會採取措施確保類似事情唔會再發生，佢哋亦表示唔會幫「Gen-chan」改名，因為園方對「Gen-chan」嘅一切照顧都冇改變，仲請遊客繼續入園去探「Gen-chan」！

資料來源：Osaka Tennoji Zoo