狗狗守護前主人已 6 年 前主人懷孕後選擇棄養

呢隻叫「布冧」(男仔；8 歲；已絕育) 嘅狗狗係義工 Sherry 六年前仲喺前組織時出領養嘅小朋友。「當時『布冧』只有兩歲幾，活潑開朗又親人。被領養後，前主人一直都好疼愛佢，『布冧』陪佢經歷過分手、復合、結婚、懷孕、生仔... 不過之後就冇後續喇...因為前主人嘅囡囡出生之後，佢就決定棄養了『布冧』喇！」

Sherry 非常不解，點解一直好哋哋，生咗小朋友之後要決定放棄「布冧」呢？「其實『布冧』被領養之後一段時間，有分離焦慮嘅問題。只要冇人喺屋企時，佢就會吠同不停抓門，我都介紹過訓犬師去教前主人點樣處理，鄰居們都每日上門協助佢解決呢個問題，不過大家都聽過『冇教唔好嘅狗，只有教唔好嘅主人』呢句説話。前主人一直都話『無用、布冧就係咁！教唔好，佢慣咗...』等等嘅原因，導致『布冧』嘅分離焦慮症愈來愈嚴重！」

直至前主人因為生小朋友而搬屋，本來大家都以為佢係為咗希望「布冧」可以有大啲地方活動而搬嘅時候，原來「布冧」已經淪落到由以前可以入房同前主人一齊瞓到而家連屋都入唔到去...

非常渴望被愛嘅「布冧」連同主人相處同一個空間嘅光陰都冇。佢每一日都係獨自喺玻璃屋或花園被一條狗繩綁住，喺嗰度餵蚊、水兜亦長期乾涸...最後前主人終於向Sherry 提出要放棄「布冧」。「『棄養係為你好，其實我好愛你』呢句說話係我呢幾日經常見到前主人對『布冧』講嘅。當然喺佢個人嘅角度，自己十月懷胎嘅女係絕對唔能夠捨棄嘅家人，為佢帶嚟煩惱嘅『布冧』自然就變成一個包袱。」

「布冧」其實好親人，現時義工同訓犬師正在解決佢嘅分離焦慮問題。如果你有意給「布冧」一個家，請 whatsapp 9242 1401 聯絡「唐不甩家族」義工 Sherry，感謝！

授權轉載 : 唐不甩家族