【好消息】 之前等人領養 等到雪糕都融化了的「小雲」 終於有家！
較早前，我哋報導過呢隻叫「小雲」嘅 8 歲唐狗女，佢嘅原主人因為移民而將「小雲」棄養。原主人喺 2016 年領養「小雲」，大大話話 7 年嘅感情，話放棄就放棄！義工幾個月來馬不停蹄咁帶「小雲」出席無數次嘅領養日，只可惜「小雲」都係遇唔到有心人。此外，每次「小雲」出席嘅領養日入面都有好多可愛嘅狗 B、又或者係細身唐唐、 好多時嚟嘅人都冇留意到只在旁默默地等待有心人出現嘅「小雲」。「小雲」等了又等，及至日前，「小雲」嘅緣分終於到喇！
城城小編昨晚收到義工好消息：「真係好開心，『小雲』終於物色到一個好家庭領養了！『小雲』已到新家庭 、改名為 Abby。希望 Abby 從此會有滿滿嘅幸福！你咁乖咁可愛係值得擁有一個幸福嘅家嘅！在此，謝謝領養人選擇咗佢！要幸福喔！」
授權轉載：fb @ Mon MonYoung
其他資訊
