好心人向義工求助 盼為屋苑一對可愛貓兄弟尋家

兩位可愛嘅小朋友，喺九龍嘅一個屋苑長大及生活，有位好心人由細照顧佢哋到而家，照顧兩位小朋友照顧得好好，仲定期有同佢哋滴蝨。可惜，好心人屋企動物已經爆滿，唔可以再帶佢哋入屋，因此向動保組織「愛。不再流浪」義工求助。

「我哋早幾個月已經嘗試幫忙收兩位小朋友返嚟，因為屋苑乃私人地方，只能人手利誘，奈何誘捕失敗... 日前，我去拎物資再喺現場見到佢哋，佢哋兩個超乖，其中一隻黃白叫 Latte 仲可以抱，另一全黃叫 Pudding 可摸親人，係咁撞人手手。」

及至上星期五，義工終於帶到兩位小朋友入屋。「先接佢哋返嚟睇睇情況，如果佢哋性格十分溫馴，過咗隔離期會試一對出領養 ; 如果冇適合嘅領養人，就可能需要分拆開出領養。」

有意了解或領養兩貓，請 inbox「愛。不再流浪」。不設無貓家庭領養，有貓家庭也可 (佢哋原本在外都有好多貓伴嘅)，但最好可兩貓一齊收養。

貓咪簡介 :

Ginger (蝴蝶紋黃 B) 及 Latte (斑紋黃 B)

性別 : 男仔

年齡 : 約 7 / 8 個月大

備註 : 未絕育

資料來源 ：愛。不再流浪