【#HKDR】救狗之家醫療費沉重資金料只夠再營運2個月盼獲援手

HKDR救狗之家場內有600多隻狗狗，然而佢哋嘅資金只能夠勉強撐多兩個月左右，上個月佢哋有66隻狗狗要睇醫生，淨係醫療費就已經突破30萬元😖所以佢哋需要大家幫助🥹

城城小編為大家了解到其中4個HKDR狗狗嘅故事：10歲嘅Brady係一隻史納沙狗仔，帖獨立義工救起之後，HKDR幫Brady打各種預防針、做體驗，Brady仲因為絕育手術不幸發炎要留醫，醫療費逼近兩萬😣

而3歲嘅Scrabble就係一隻唐狗仔，佢仲係BB果陣已經嚟到HKDR，係個怕醜仔，不幸嘅係5月中義工帶佢散步嘅時候受驚走失，雖然幸運尋回，但因為髖關節脫臼並脫水，需連日留院觀察同埋再做手術，醫療費超過$3萬。😵‍💫

而15歲嘅Katie由3歲起就已經同她生嘅幾隻幼犬一齊被救去HKDR，12年來一直都好乖，可惜嘅係早排非常為食嘅佢竟然冇食慾，睇醫生發現胰臟炎，幾次服藥及覆診後Katie回復精神，惟驗血指數未見明顯改善，進一步檢查懷疑是肚有癌症腫瘤😔

另外，仲有4歲嘅 Olga仔，肥到成個波咁嘅佢去到HKDR之後要食減肥糧控制體重，而且仲要做牙科手術同切除脂肪瘤😢

HKDR一直秉持「不殺」理念，如果救返嚟嘅狗狗搵唔到屋企，就會由佢哋照顧終老，就算唔計基本糧食開支，狗狗年紀愈大就大機會要睇醫生，負荷真係會愈嚟愈重，以上四隻有醫療需要嘅狗狗只係冰山一角😞更令人心痛嘅係，唔同嘅機構其實都盡全力救治流浪動物，但係每一日都有動物被遺棄、每一日都有浪浪仲生緊一大堆BB，所以對HKDR嚟講，救援工作注定係一個漫長嘅過程。而佢哋亦希望同路人可以伸出援手，令佢哋可以繼續更多狗狗。

城城小編亦都希望呼籲大家以領養代替購買，並且要做一個負責任嘅狗主，好好照顧狗狗嘅一生，無論咩原因都好，都唔好遺棄狗狗😟

有意援助HKDR救狗之家，請到佢哋嘅fb或姐ig了解更多詳情，感謝